1988 жылы С.М. Киров атындағы Қазақ мемлекеттік университетін «географ» мамандығы бойынша бітірген, ал 1993 жылы Абай атындағы АМУ аспирантурасын аяқтаған. 2004 жылы сол университетте «Географиялық детерминизмнің философиялық-әдіснамалық аспектілері» тақырыбында кандидаттық диссертациясын (09.00.08 – «Ғылым және техника философиясы») қорғады. Жалпы еңбек өтілі – 44 жыл, оның ішінде 27 жылы педагогикалық өтіл. Ол жалпы философия, ғылым философиясының тарихы, бизнес философиясы және басқару философиясы курстарынан дәріс оқиды, соңғы екі курс бойынша оқу құралдары баспаға дайындалған. Отандық басылымдарда 50-ден астам жарияланымы және Scopus жүйесінде индекстелген 1 шетелдік мақаласы бар. Маман Азаматтық Альянстың ҮЕҰ-мен тығыз ынтымақтастықта болды және социологиялық, географиялық жобаларды («Алматы қаласының социумына діни ұйымдардың ықпалы», «Алматы қаласының азық-түлік қауіпсіздігі» т.б.) жүзеге асыруға қатысты. Әл-Фараби атындағы ҚазҰУ-де жұмыс істеу барысында өзін тәртіпті және жауапты қызметкер ретінде көрсетті, университеттің қоғамдық және спорттық өміріне белсене қатысады: факультет ардагерлер футбол командасының капитаны, шахматтан 2-разряды бар және Алматы Әуесқойлар футбол федерациясының төрешісі.